السّماوات السّبعة
السّماوات السّبعة في لِـيلِةْ كْمَالها هاجتْ أشجاني وجيتْ على بالي ورْقَة وقلَمْ بينْ يديّا وصُورْتِك بين عينيّا حَبّيت نرْسْمِكْ ! لقيتْ حْرُوفي هاربة منّي الكلّها حاشمهْ لا تخذلني تخذلني كان تغْلِطْ في وصفها ليك وانتي البهاءْ والزّين تسمّاوْ عليك . لمعِتْ نجمتك في السّماء وْهَلْ عْليّا نُورْ خيالِكْ، كلمة وراء كلمة تجاوزتْ الوطا وسْرَا بيّا طِيفْ غرامك بين سماواتِكْ في كلْ سماء تعذّبني جنّتك وتِطْفى جهنّم غيابِكْ . ~~~~~~~~~~~ 1- - ضُحْـكَهْ فَـتَّـانَهْ ! سْرِقْتْــهَا، وْفِي مَـمُّو جَاشِي رْسَمْتْــهَا بِفْـيَانَهْ . 2- - شْعَرْ سَايِبْ يْهَفْهف ساكنهْ فيه ليالي شقايا دهري نْعَدّيهْ فيه ... 3- - ناعْمَة لمسِة يْدِيكْ الرّضِيعْ عالفِطرَة يَعْبْدِكْ لَوْ يِدّكْ جَاتْ عْلِيهْ 4- - صُوتْ مِن بْعِيدْ يْلاَغِي مْلاَيِكةْ الجَنّة تْغَنّي هذا آشْ ظَنّيتْ ! 5- - دْخَلْتْها مِنْ عِينِيكْ الجَنّةْ تْرِسْمتْ فِيهُم وْلاَ شْفَعْ فيّا نْبي . 6- - جَاوِي عَنْبِرْ مِسْكْ بريحتك تْعَطّرِتْ الجَنّة. إبْلِ
